有一日跟朋友在旺角行街食飯，佢問我去邊度食嘢好，我諗咗好多秒，都係諗唔到有邊間餐廳令我有一食再食的衝動。終於由旺角行到太子，就喺大家都餓到四肢無力的時候，終於搵到一間吸引我哋去幫襯。
呢間京日本料理在旺角區是罕有的中等水準店，不時有特價套餐推出，最新特選二人套餐只賣$238，連甜品有八道菜，其中六道菜有二選一，鋪滿金箔的刺身和壽司以及紅酒鴨胸，計埋都貴過$238啦！一人都係畀百零蚊，真係好抵食！
記者：邵超 攝影：陳智良
鱈場蟹是北海道名產，雖然一年四季都可以吃到，但冬天食特別肥美，京賣足料大鍋，已經算是益食家。
刺身鋪滿金箔，份量真係唔講得笑，唔知係咪虛榮感作祟，總覺得鑲金嘅刺身零舍好味。
辣辣的明太子配清新口味的蘆笋卷，包裝漂亮，味道重正。
鎮店之寶的紅酒鴨胸，一向都有好多識食的食客捧場，質素唔會比高級餐廳差。
地址：九龍太子道花園街226A地舖
電話：23920528