八方收到立法會議員劉炳章寄嚟嘅新年賀箋，都好有心思，重祝八方羊年樣樣順意，真係多謝晒。佢又同《蘋果》讀者拜年，祝大家今年樣樣順利，三羊啟泰。
劉炳章係專業測量師，同行會成員梁振英份屬同行兼老友，八方問佢有冇恭喜振英哥做咗新政協委員，佢就笑而不答，睇怕已經食咗一餐勁。
問到佢新一年有乜大計，劉炳章話過埋年等大陸運作回復正常，就會響應特首董建華嘅呼籲，組團去珠江三角洲考察，睇吓有冇商機。
𠵱家真係乜嘢行業都要向北望，劉炳章代表嘅建築、測量及都市規劃界近年冇啖好食，唔係冇工程可投，就係投到都冇肉食，你話幾悽慘呢，所以要去外面走走碰碰運氣。
傳真︰2623-9278
電郵︰