早前，我哋《車天車地》版嘅特派記者，曾經前赴杜拜作實地測試嘅寶馬旗艦級760iA，亞Mark話過新車不乏商賈富豪嘅定單，而且重有望響今年3月下旬抵港㖭！然而，近年賊匪猖獗，唔少知名人士為求自身安全，除聘請私人保鑣外，亦少不得買來有防彈設備嘅轎車代步。聽聞近期備受追捧嘅寶馬新7系，亦備有呢款特種車規格，而且重係由寶馬車廠嘅專有部門負責改裝生產㖭！據知，此車有齊防彈玻璃、夾層鋼板保護外，重備有防毒氣嘅空氣過濾裝置同防爆車胎㗎！而車價不過較現行車款貴上一倍左右，為保個人安全又真係幾值得；聽講話新7系嘅防彈車，經已有本地商賈訂購引入，唔知大家響街上，又會否識別得出呢？