公務員事務局局長王永平唔畀班AO（政務主任）參加自願退休計劃（VR），但就繼續用豐厚條件（MIR）指令啲阻住地球轉嘅庸官退休，令好多人羨慕啲所謂庸官。
八方噚日請教公務員事務局，前房屋局局長華賢仕係咪好似有報道咁話，俾當局MIR咗，攞咗七百幾萬賠償？點知發言人話Mr.Wells放緊假，唔評論佢係咪食咗肥雞餐。
其實係人都知被指領退休嘅賠償好過自願退休，因為前者講得唔好聽就係冇部門肯要佢，但佢就冇犯大錯到要炒，於是為免阻住人哋晉升，只好用非常吸引嘅條件請佢離開；至於後者，就係因有剩餘人手，准佢哋申請提早走人。
華賢仕喺房屋局期間有乜功過，班AO十分清楚，咁莫非永平哥想班AO學佢老哥變庸官，索性「蹺」埋雙手不幹等俾人MIR？怕且都係時候王永平要諗吓下次VR要預埋班AO一份。
傳真︰2623-9278
電郵︰