珍妮花雅麗絲頓（JenniferAniston）同老公畢彼特（BradPitt）話晒都係荷李活嘅金童玉女，但畢嫂唔係好想俾喜劇《老友記》定型，所以早排演出咗電影《TheGoodGirl》，佢重憑呢套戲攞咗「荷李活電影大獎」嘅影后。
雖然呢套戲冇喺香港上映，不過我羅拉最近就睇咗套片嘅美版DVD，發覺珍妮花為咗騷自己嘅演技，除咗大改形象之外，連脫衣露點、俾人摸胸乜都肯做！
珍妮花喺套片度飾演一個喺大型商店工作嘅售貨員，佢嘅動靜似足一個師奶咁，因為片中嘅老公冇畢仔咁有型，所以佢同同事JakeGyllenhaal玩偷情。珍妮花唔止碌卡貼錢同Jake開房。後來因為俾老公嘅老友發現姦情，嗰個老友就要脅珍妮花，畀佢做洩慾工具。
珍妮花除咗拍床戲時全裸上陣之外，更喺其中一場老公驗精子嘅戲度，俾男對手摸胸，唔知畢仔睇呢套戲時又有乜反應呢？