香港高官中，民望高企嘅頭幾位好多時都係女人，以前有陳方安生，跟住有葉劉淑儀，最近係廖秀冬；但係大家唔好以為其他局長會眼紅，八方聽聞將失業率控制住嘅經濟發展及勞工局局長葉澍堃，就對自己現時嘅民望排位非常滿意，一啲都唔希望飆升。
聽聞葉局長對朋友講，排位最好係「唔上唔落」，經常喺中間「浮吓浮吓」；葉局長果然深諳為官之道，排頭位同包尾都唔係咁理想，因為民望高樹大招風，太低好似馬時亨咁又唔係好掂，最好就係中中地。
八方一諗，葉劉就係人辦，因為太過硬銷二十三條，民望幾個月內由第一跌到第九。葉澍堃喺最新一次民調，因為其他局長得分下跌，佢老哥無情情升咗上第三位，我諗葉局長都有少少「危機感」，要諗方法減吓分降番低幾級先得。
（圖）葉局長唔想自己嘅排位咁高，免得樹大招風。
傳真︰2623-9278
電郵︰