十二歲就讀中一的嘉嘉，眼見父親身陷囹圄、母親飽受紅斑狼瘡頑疾折磨、姊姊離家出走，活在一個如此破碎的家庭，小妮子連往監獄探望父親的車費亦付不起。她在無計可施下，只得瞞着母親寫信予本報求助。
「佢（母親）每晚失眠，又飲啤酒，坐喺廚房度喊，為咗今月租金同新年將到而煩惱。希望你哋幫媽咪過關，真係好驚媽咪會睇唔開，咁我就要做孤兒喇，真係唔想咁，爸爸又未出嚟，媽又要離開我呀！」這封帶點口語化的書信雖沒半點言詞修飾，然而字裏行間真切反映了一個女孩害怕家破人亡的恐懼。
寫下這封求助信的嘉嘉，長着一對可愛「兔仔牙」，臉上稚氣未除，面對記者的來訪，顯得帶點羞怯和緊張。
「我知媽咪呢排為咗錢好煩，佢話就嚟過年，屋企冇晒錢，我好擔心佢，但我可以做到嘅只係寫信畀你哋求助。」嘉嘉說。
而被「蒙在鼓裏」的嘉嘉母親黃女士，從記者手中接過愛女偷偷寫給報館的信，一邊看一邊又哭又笑。「我吼佢瞓咗覺先匿喺廚房喊同飲啤酒，原來都俾佢睇到晒，佢只係唔識用言語安慰我。」
嘉嘉原有一個幸福家庭，四十歲的父親任職公務員，母親持家有道，她與姊姊感情融洽。
然而，母親於九四年患上紅斑狼瘡症，自此情緒低落，常有自殺念頭；父親脾氣亦變得暴躁。前年，父親牽涉入一宗案件而被判入獄四年，一家陷入愁雲慘霧之中，現年十八歲的姊姊疑因難以接受家庭破裂的現實，在同年離家出走，下落不明。
父親入獄後，嘉嘉與母親只得依靠綜援金維生。黃女士表示，早年為了治病而向銀行借錢，現時每月需從綜援金撥出一部份還債，經常要向親友借貸度日，但仍入不敷支，本月租金仍未繳交，遑論山長水遠前往赤柱探望丈夫。
「我哋來回一次車費要八十蚊，真係太貴，原本一個月可以探四次，我哋最多探一次，𠵱家我諗要兩、三個月先去一次。」四十三歲的黃女士歎道。
與父親感情甚篤的嘉嘉，慘嘗父女離別之苦，令其弱小心靈大受打擊。「我次次去探爸爸，佢都叫我多啲關心媽咪，提佢食藥，幫手做吓家務，同埋畀心機等佢返出嚟；我又會同佢講吓讀書嘅嘢，問吓功課，雖然只得半個鐘，但我都好開心。」嘉嘉低着頭說。
蘋果日報慈善基金有見黃女士的困境，即時撥款五千元，助她清繳欠租及應付額外車費開支。
捐款編號：C0814
暖流熱線
電話：29908688
傳真：23702192
電郵：
網址：