「每個星期收到兩次花，情人節收到花都唔會有乜特別感覺。」中環白領儷人Gaby表示，下周五就是情人節，不想再收到玫瑰花，反而期待男朋友送上向日葵。「唔使怕我無面子，最好將花送去我屋企。」
試問哪個女孩子不愛在情人節當天收到情人送上表達愛意的「情花」。最好還要送到辦公室，讓全公司的同事都知道，自己在這個浪漫的日子收到情花。但平日收花收到有點厭的Gaby說：「我已經同男朋友講好，如果送花最好送去屋企。千祈唔好送嚟公司。因為喺屋企，可以多的時間細心打理，可以擺耐的，唔殘都唔會揼。」
性格開朗的Gaby，笑起來燦爛如她最愛的向日葵。她表示：「情人節收花對我嚟講已經冇乜特別，除非諗啲新奇嘢，先至可以令我感動。」
在中環開設花店十多年的香港鮮花零售協會委員凌秀慧稱：「舊年情人節撞正年初三，男朋友慳番唔使送花去女朋友公司。今年中西情人節僅相差一天，男朋友或追求者，再無藉口唔送花。」但她透露：「經濟不景，唔少送花嘅人會四圍格價，又要平，又要靚。唔似得九七前，香港環境好景嗰陣，唔理啲花幾貴，都捨得買嚟送畀女朋友。」
大埔一間花店店員Polly說，去年每支賣八十元的香檳玫瑰，今年減價至二十元。訂花人至今較去年少一半。 記者：林社炳