羅嘉良每逢新正頭都會穿新裝，日前他便往中環買衫，還特意選了件橙紅色唐裝衫，以取好意頭。嘉良還表示雖然每年派利是都令他花掉數萬元，但他揚言喜氣洋洋最要緊。
羅嘉良每逢農曆新年例必依照傳統，由內到外均穿上新衫，日前嘉良便往位於中環的「上海灘」選購唐裝衫，着新衫過新年，他千挑萬選後，揀了件橙紅色唐裝衫，還以紅色樽領衫打底，寓意繼續大紅大紫賺多啲。
嘉良笑說：「以往我都會全身着晒新衫過年，我有四、五件棉襖，每年都會趁新年着吓，今日都有着住呀。」問嘉良有何新年願望？他說：「最緊要開心，一切順利，大家賺多啲。」
每逢過年，已婚的嘉良都會大派利是，未知他今年派了多少錢利是？嘉良說：「我重未計呀，派咗幾多都唔係好清楚，但每年起碼都要使幾萬蚊，過年最緊要大家開開心心，喜氣洋洋，利利是是吖嘛。」
自初一以來，嘉良每日的節目就是吃，他笑說：「過年嘅節目就係食飯，平日我冇食咁多嘢，又食無定時。呢幾日我日日都食好多餐，重有消夜，希望唔好食到變豬頭啦，我阿媽每年都會整蘿蔔糕，年初一凌晨喺屋企已經同啲朋友一齊食咗成底蘿蔔糕。」
嘉良又表示過年時總會在家播放鄭少秋和汪明荃合唱的賀年歌，增添節日氣氛，他說：「每次過年，我一早起身就會播佢哋首《歡樂年年》，每年都一定播一次，以前我重會同屋企人返東莞鄉下，前幾年我都重有返去，但呢兩年工作忙至少咗返去。」
採訪：朱芷瑩 攝影：林德雄
場地提供：上海灘
