大年初三李鵬飛隻馬「東海龍」揚威沙田馬場，首次Win出，但係馬主不見了，由老友梁挺生校長代拉頭馬。八方於是越洋致電正喺埃及旅遊嘅飛哥，恭喜佢羊年旗開得勝。飛哥例牌大笑幾聲，然後話，跑第一係好難得㗎，又話匹馬係梁校長幫佢買嘅，所以邊個拉都冇所謂：「今次冇得拉冇緊要，因為隻馬重有得贏。」各位馬迷收到啦。
飛哥同李柱銘兩位前黨魁偕太太老友遨遊尼羅河，噚日已經返回開羅，飛哥猛問何志平係咪真係為香港抽到支下籤，佢話係就慘啦，因為羊年最希望係香港唔好咁衰，萬事如意，蒸蒸日上，點知何局長搞啲咁嘅嘢；而馬丁就好關心鄰居葉劉淑儀份民意匯篇出成點，重話恭祝香港今年好過舊年啦。
傳真︰2623-9278
電郵︰