睇相佬都有話，一個人有運行，雙眼都會顯得有神。眼大的人看起來比較精靈，望落自然吸引。不過，唔係人人都咁幸運，可以擁有如趙薇般大的眼睛。如果你雙眼唔夠大唔夠完美，如有單眼皮、雙眼皮不夠深、鴛鴦眼等問題困擾，歡迎留意下列介紹的改「裝」方法，讓自己加入大眼一族！
記者：羅惠芬 攝影：周旭文、楊錦文
模特兒：Lorraine（Calcarrie's）、Cherry（Sunspot）
SpecialThanks：JanaeChan、CryusLee（BeautyTech）
逢星期一至五刊出
用煙熏眼SmokyEye將眼睛變大，其實已是一個公開秘密，差別只在於夠唔夠膽去嘗試。一般來說，最好選擇與眼珠顏色相近的Color，例如黑、啡、深藍、深紫等，化出來的感覺會自然點。另外，眼線要畫得粗一點，可令雙眼顯得更有神。留意眼線顏色要比眼影的顏色深，之後就可以照正常化妝步驟，將眼影塗在眼蓋上。
內雙眼皮的Lorraine，經常被身邊朋友誤會是單眼皮一族。
「其實眼細都有好處，起碼成個人感覺上都特別啲。好似林憶蓮對眼都細㗎，但係佢就好有味道同氣質。」話雖如此，Lorraine話自己仍會畫眼線和搽睫毛液，令對眼看起來大一點。
另一個掩人耳目的方法，是增加眼部的空間感。其實眼眉和眼睛之間的距離，可以影響雙眼在視覺上的大小。兩者距離愈近，愈會令本來細小的眼睛顯得更小。折衷方法是將眼眉拉高，同時增長睫毛長度，令雙眼看起來大點。再在眼蓋位置塗點偏白色的遮瑕膏，可以將眼眶顯得更深更大。
好多女仔都有鴛鴦眼，即是大細眼的問題，不過，就不是人人都咁嚴重。要改善問題其實好容易，只要準備一張雙眼皮膠紙就OK了。另外，也可以從顏色運用上着手改善。鴛鴦眼人士在選擇眼影時，最好揀隻色調愈Sharp的EyeShadow愈好，例如黃、橙、綠等顏色。