初四開市，港交所由行政總裁鄺其志主持。鄺總冇馬時亨局長咁姿整，只係打番條舊呔；另一樣同局長唔同嘅，就係上個禮拜期貨交易系統出事後，佢噚日馬上出嚟主動道歉，但就唔使搞到要鞠躬。
噚日鄺總按傳統向出市代表大派利是，但係可能初四諸事不宜又適逢破日，唔少人放多一日假唔開工住，所以出市代表寥寥可數，鄺總裁亦可以為港交所慳番一筆（開工利是每封二十蚊）。開市儀式另一特別之處，係請齊五個經紀團體嘅代表出席，好似大團結咁款。睇嚟仙股事件嘅影響真係好大，經紀團體喺港交所嘅地位都唔同咗。
（圖）鄺總裁派開市利是，人人爭住要。
傳真︰2623-9278
電郵︰