范徐麗泰喺立法會坐主席位，甚至凌駕出席答問大會嘅特首，不過范太最近接受香港中華基督教青年會刊物《香港青年》訪問，就自爆第一份工做港大行政助理，辦公室竟然係由車房改裝，重要坐正燈光昏暗嘅洗手間門口，所以話人生嘅變化，有時真係大到你唔信。當時其他同學都勸范太向上司要求換房，佢反而覺得自己初出茅廬「懵盛盛」，有嘢學已經好滿足。𠵱家大學生啲英文成日俾人批評，原來范太當年寫嘅英文，都曾經俾外籍上司改到「滿江紅」，所以佢畀青年人嘅四個錦囊，就係自強不息、唔怕面懵、唔怕吃虧，同埋要識開解自己。
范太透露下一個挑戰，就係參加○四年立法會直選，因為未試過。勝固欣然敗亦喜，范太已經盤算好一旦失利，可能從此淡出政壇，同老公到處遊山玩水。
傳真︰2623-9278
電郵︰