最近受到交通意外困擾嘅新巴，新年期間照做善事，推出「羊羊得意」轉轉大全盒慈善義賣，好快就為威爾斯親王醫院嘅肌肉萎縮症兒童，籌到五萬元善款，購買輪椅推進器。
除此之外，新巴重將部份大全盒送到多個老人中心同庇護工場，等呢啲有需要人士過番個開心豐足嘅新年，重可以畀佢哋知道，社會並無將佢哋遺忘。八方一向好支持呢類好人好事，可以為社會增添一分溫暖。
不過講到之前新巴司機涉嫌交通意外不顧而去嘅事件，新巴方面就話仍在協助警方調查中，不便多講。無論如何，八方都希望盡快查明件事，總之小心駕駛為上，交通安全第一。
﹙圖﹚聖雅各福群會老人中心嘅長者獲贈新巴「羊羊得意」全盒，齊齊開心過年。
傳真︰2623-9278
電郵︰