霍英東派百萬利是賀歲
朱玲玲低胸撐老爺春茗

霍英東基金會前晚在金鐘港麗酒店舉行春節聯歡宴會，霍英東以基金會主席身份主持大局，長子霍震霆因身在日本，未克出席，媳婦朱玲玲身穿低胸上衣代夫率兒子霍啟剛撐場。

全國政協副主席霍英東前晚在金鐘港麗酒店，以基金會主席身份主持霍英東基金會癸未年春節聯歡宴會，他六時前已到場招呼來賓。其長子霍震霆身在日本，未能出席晚宴，故嬌妻朱玲玲與兒子霍啟剛及其他家族成員齊齊撐場。

連聲恭喜心情佳
朱玲玲近年刻意低調，衣着密實，並經常避開傳媒。不過，前晚身穿低胸閃亮上衣，襯皮褲皮褸赴會的伊人表現親切，她甫見記者即主動連聲說：「新年快樂！新年快樂！」看來心情頗佳。
霍英東二公子霍震寰則與太太陳琪琪、女兒霍思緯出席，霍陳琪琪更大派利是。高齡八十的霍英東精神煥發，暢談羊年願望，除祝願身體健康外，更表示他對香港充滿信心，他說：「最緊要大家有信心，農曆新年我多數留喺香港，八十年嚟都只係得一年冇喺香港過，嗰年就係六七年暴動。香港新年氣氛好，喜氣洋洋，又有煙花睇，我睇電視見到文化中心好熱鬧。我哋親朋戚友又多，喺香港過年方便啲。」

與賭王不相伯仲
此外，賭王何鴻燊早前曾表示每年封利是支出達一百萬元，問霍英東今年封利是支出多少？他說：「都唔少㗎！淨係派畀廣州白天鵝賓館嘅員工，都要派幾十萬啦。」問他總支出豈非超過百萬？他說：「咁又唔知喇，年年有慣例係咁派，俗例唔可以改㗎。」霍英東更表示吃團年飯、開年飯等傳統習俗，樣樣做足。