農曆年假過後，又係香港打工一族嘅開工日子；而本地車壇方面，假期過後嘅焦點所在，相信非豐田部全新Wish家庭七人MPV莫屬。據亞Mark收料所知，香港代理短期內都唔會正式引入，呢部被視為係本田Stream最大勁敵嘅多用途車款，惟一班精明嘅本地水貨車商，早已響Wish身上打主意，重準備於短時間內正式引入㖭！但究竟邊間咁有實力，能第一時間運抵香港發售呢？亞Mark定必跟各位車迷拭目以待。至於呢部跟Stream好相近，並以Corolla底盤衍生出來嘅七人家庭MPV，據聞車廂三排座椅空間好闊落，加上一個趨時有型嘅賣相，亞Mark相信亦不乏車迷捧場；而一台1.8公升直4VVT-i偈，就跟CorollaVerso同出一轍，勝在低轉有高扭力輸出，若然車價能夠拍住Stream響17萬上落的話，不難會掀動另一次家庭MPV熱潮㗎！