英國音樂人史汀（Sting）同佢老婆杜迪（TrudieStyler）結咗婚咁多年都一樣咁煙韌，原來有啲蹺妙。話說史汀早排喺紐約被人影到佢入咗一間性商店購物，佢喺舖頭入面左揀右揀，似乎好投入，一啲都冇察覺自己俾狗仔隊影到。史汀研究咗個吹氣公仔同震盪器好耐，但佢到最後一件性用品都冇買到。之但係史汀臨出門口，先發覺俾人影晒相，佢重好尷尬咁用手遮住塊面，個樣真係有啲慌張。