女人的潛能不能小覷，所以成日話一個成功男人背後必定有一個女人。藝員黃澤鋒與女友Winnie開了一間火鍋店，還成為不少名人的聚腳地，他們齊齊由一個初哥變成火鍋專家，Winnie放棄電視台高薪全情投入，由一個十指不沾陽春水的女子，到現在樣樣皆能，她的努力連男友澤鋒也亦豎起手指公。
記者：陳冰麗
攝影：伍慶泉
初認識Winnie完全唔知她是一個唔識煮嘢食嘅人，她以前在無綫做編審，由朝忙到晚一日三餐都在外面解決，哪有機會下廚學煮飯？都是男朋友黃澤鋒的好主意，他想搞一間火鍋店的諗頭已很久。
三年前的一天，澤鋒決定開店，但他本身在TVB有工作在身，分身不下，結果由Winnie全職投入，如今二月五日已是三周年，回想開店時比電視台工作重辛苦，Winnie說：
「記得開舖兩個零月前，我同澤鋒幾乎由朝早七點直至晚黑七點咁周圍去牛肉檔搵靚肥牛，試過因為我哋嘅死纏，有檔主竟『喊』斬我哋，呢樣都唔緊要，最無辱係當住我面，同澤鋒講『你女朋友咁醜，不如搵個另一個啦！』」
搵牛肉連自尊也要犧牲，她的魄力實在令人佩服！兩個月內每日只能休息兩小時，那種辛苦令Winnie有一刻想過要放棄。
Winnie決定再畀自己一個星期時間。可幸，因為她的堅持及無比毅力，終於在佐敦搵到有檔主肯出讓新鮮肥牛，Winnie甜絲絲形容。
「檔主文生遞上嚿牛肉畀我時，嗰一刻嘅心情比執到金重要開心。」
第一次做老闆，難免缺乏經驗，開舖前一晚即遇上小偷的爆竊，Winnie表示，最痛心的不是內裏的數十元零錢，而是值千多元的收銀機被爆，事後她才知道，原來香港的飲食零售業，在收舖時都要將收銀機打開，以示「此地無銀」。這次的經歷，損失損失雖慘重，但卻教曉Winnie做生意之道。
編審出身的Winnie，雖然完全唔識煮嘢食，卻有大膽創新的精神，天馬行空的想像，再配合大廚絞盡腦汁使之實現，Winnie坦言，那份滿足感帶給她無比的鼓勵。
「我慶幸搵到一班好夥計肯同我捱到三更半夜，願意同我一齊搞創作，其中嘅『綠合彩』係一個成功例子。」
Winnie所講嘅「綠合彩」係菠菜汁混和新鮮墨魚膠打成的綠色丸，因為要喺丸內藏入芥辣，最初試過用Wasbi，但發覺一遇熱即變苦，最後至試到合適嘅黃芥辣。
一分錢一分貨，這裏的收費不算便宜，但堅持用料新鮮，而且每樣食物的出品都好精緻。如果因為要平，那請閣下不要進入此店吧！
「我希望有朝一日我開嘅火鍋店能夠成為全港最高水準嘅，客人嚟到可以食到最高質素嘅食物，喺其他地方食唔到嘅，而唔係以價錢去衡量。」
泡菜蟹湯底$98（上）
新鮮牛肉粒$68?10両（中）
新鮮牛肋骨$68?12安士（下）
新鮮牛肉粒及牛肋骨果然零舍鮮，入口鬆化，為免浪費嚿牛肉，建議放湯烚兩、三下即食就鮮味，肉又不會過韌。
喜歡少少辣但又不能接受激辣的麻辣，泡菜蟹湯底就比較適合，因為這裏的泡菜都是由大廚親自醃製的，口味帶香但又不太辣，更迎合港人口味。
綠合彩、泡彈、糕之孖碌聽個名已經好新奇，原來食時重過癮。爽口彈牙的綠合彩，六粒之中其中一粒有芥辣在內，食之餘大家重可以估吓。泡彈是豬肉丸內藏泡菜，又是另一款精緻丸類。蟹粉蛋角鮮味十足；牛肉咖喱餃小巧精緻，一啖一口，有咖喱及牛肉鮮香味。糕之孖碌則是牛肉與豬肉片夾雜，再捲住韓式年糕，食落有肉的質感，又有年糕的軟滑，雙重口感。
炸芋丸$38
外脆內軟的炸芋丸，啖啖都有芋頭香，據Winnie講，張栢芝每次到來必定要order呢個小食。
麻辣小喇叭
電話：27353800
地址：尖沙嘴柯士甸道136-138號金門商業大廈1樓
營業時間：6:00pm-2:00am
座位：120個