民政事務局局長何志平呢期唔知算係當紅定當黑，買完水仙、沖完茶，連車公廟嘅下籤都抽埋，今日下晝又會拉埋太太胡慧中，去中環出名嘅「蛇竇」樂香園咖啡室閣樓，同記者行家拜年。
比起花樣多多嘅何志平，曾蔭權同梁錦松就只係例牌喺官邸見記者，煲呔曾派嘅利是五十蚊一封，就嚟做爸爸嘅阿松，每封則有一百大元，阿松秘書話呢啲都係象徵式嘅嘢，阿松舊年都係一百蚊封。
聽講，阿松最近開始閉關寫預算案。八方笑阿松可以學吓美總統布殊來年二萬三千幾億港元嘅赤字預算，單係零頭已經多過香港成份財政儲備，但睇怕阿松都冇膽跟，皆因滅赤係佢首要任務。對於有八卦人算過三月五日不利宣布預算案，阿松一於少理，因為佢從來都唔信呢味嘢喎。
傳真︰2623-9278
電郵︰