我Apple姐新正頭梗係要遊吓埠歎幾日啦,不過咁,有大把好姊妹幫我喺香港收風。 我一返嚟,成班十幾歲嘅世姪女就八畀我聽,話早幾日年廿九就俾佢哋遇到蘇永康,不過唔係喺酒店或茶樓食團年飯喎,而係喺九龍灣展貿嘅raveparty度。 玩到通頂 嗰晚蘇永康戴住黑超同老婆一齊入場,佢兩個一直玩到凌晨三、四點都未走。咁又係,聽講佢年初一美國登台嗰場show做唔成,新正頭唔使做嘢玩吓又何妨。