錦繡中華就以千萬大製作為賣點，而世界之窗就以絕種的恐龍出招，位於剛建成的侏羅紀恐龍世界，以互動的方法介紹恐龍的世界。
最大霸王龍
內裏的仿恐龍區展出了31隻活動恐龍，每隻恐龍都以機械控制郁動，配合恐龍的叫聲，真實感的確幾重。場內最大隻的恐龍就是這隻長8米、高4米的霸王龍，霸王龍以兇狠見稱，加上喊打喊殺的叫聲，聽到我毛管棟，不過小朋友就好鍾意，不停叫影相。
翼龍測高器
恐龍世界中最受歡迎就係玩樂區，區內有各種玩樂設施，我最鍾意就係呢個翼龍測高器，站上後，你便會變成一隻翼龍，夠晒可愛。
樹龍鞦韆
唔好話大人無童真，當你見到呢個鞦韆，童真就會盡現。樹龍用尾巴掛在樹上變成鞦韆，大人細路坐上後都唔捨得返落嚟。
世界之窗
電話：(86)75526608000
地址：深圳華僑城
門票：成人?120；2月4日至15日晚上7:45後入場?30。
開放時間：8:30am-11:30pm
交通：可乘26、204、209、222、223、101、105、301、310、370大巴及423、429、434、439小巴。由羅湖火車站乘的士約?60。
想「歡度」新春，我認為歡樂谷的滑稽節是不錯的選擇，雲集了中美俄滑稽喜劇大師，再加埋小朋友最鍾意睇的趣味小丑，必定令你捧腹大笑，開開懷懷過新年。
動作最搞鬼
樣子已經搞鬼的小丑，將會以搞笑的本能表演精采絕倫的雜技，以及出神入化的魔術，精湛的表演，連我都睇到哈哈大笑，要你笑口常開絕對唔難。
夜光巡遊最矚目
歡樂谷的夜光巡遊最出名，新春期間當然再接再厲繼續表演，今次的夜光巡遊可以話係中西合璧，當然會有具春節氣氛的吉祥羊，另有白雪公主、小矮人等，表演者重會向你派利是，想攞意頭，記住好似我咁搶番封喇！
歡樂谷
電話：(86)75526949168
地址：深圳市華僑城僑城西路
門票：成人?120、1.1至1.4米高小童?60（1.1米以下小童免費）；晚上6:00後入場?30。
開放時間：9:30am-9:00pm
交通：可乘26、204、209、210、101、113、301、310大巴及423、433、429、453小巴。由羅湖火車站乘的士約?60。