落Bar劈酒係必然事，不過自己一條友落Bar，有時無對手自劈自飲就真係好無癮，若果真係一條友仔想搵人劈酒，呢間Bar就啱晒你。呢度最近搞搞新意思，設有劈酒擂台，可以畀你邊玩邊劈，唔使自己飲悶酒咁苦！
記者：歐嘉荃
攝影：林監琛
劈酒擂台每晚都會不定時舉行，擂台開始後，你可以用?100買支啤酒當籌碼，同女拳手大玩大話骰，贏咗有免費酒飲，輸咗當然飲自己畀錢嘅酒啦！老闆阿Ben話：「場內嘅拳手酒量唔一定好，不過玩大話骰嘅技術就真係夠高超，自認骰王嘅話不妨挑戰吓。」
飲酒點可無佐酒小食，自認嘴刁的我當然唔放蝦條、果仁在眼內，Bar內有各款特色小食，我就推介滷水鴨頭，鴨頭充滿濃濃的滷水味，帶點辣，食吓食吓真係唔覺意食晒成碟。至於加了豉油等調味料的蝦乾及魷魚乾亦甚受歡迎，味道鹹鹹哋，幾易入口。
售價：滷水鴨頭?38（前）蝦乾、魷魚乾各?20（後）
對劈酒無興趣，老闆就推介呢兩杯Cocktail。瑪瑙公子（右）以七喜混和少少白蘭地，酒味較少，七喜味較濃；天姿國色（左）就以椰冧、君度、七喜等混合而成，味道雖然較濃，不過都幾易入口。
售價：各?38
船長吧
地址：深圳市建設路1008號匯展閣大堂
營業時間：6:00pm-2:00am