為讓一眾孤獨長者感受新春歡樂氣氛，蘋果日報慈善基金「賀歲禮物包專戶」特別撥款資助機構舉辦「迎羊接福表愛心」長者送禮行動，春節期間來個中式「拆禮物日」（Boxingday），讓百多名荔景邨長者齊齊大拆禮物，歡度新春！
派發禮物當日清早，已有數十名長者排隊等候，記者發覺不少長者自動自覺協助工作人員擺放禮物包，秩序井然。其中，八十二歲的羅有蓮婆婆在接過禮物包後，歡天喜地俯首鞠躬道謝。
「真係好開心呀，我都係第一次攞呢啲禮物包，入面有冬菇、油、臘腸同米粉，好感謝啲善心人關心我哋啲老人家，如果唔係，我哋會好淒涼㗎。」
羅婆婆年輕時由內地來港謀生，先後任職地盤和酒樓，多年前她與丈夫離婚，只餘六十多歲女兒一名親人，現居於廣州，羅婆婆則獨居於荔景邨。勞碌一生的她，做到七十多歲才因年紀太大及患有心臟病被迫退休，依靠綜援金過活，晚境孤清。
「𠵱家有得食、有得住，已經好心足，都唔敢怨啲錢唔夠使，過時過節一個人都唔會點樣特別慶祝，又係鹹魚青菜一餐啦。」羅婆婆道出獨居長者的心聲。
蘋果日報慈善基金「賀歲禮物包專戶」撥款五千元，資助新成立的長者互助機構「綠長青」籌辦是次送禮行動，原本預計可有一百名長者受惠，不過經過該會主席出面向商戶講價，遂令受惠人數增至一百五十人。主席是誰？她就是已屆八十一歲高齡的李妹。
「我同舖頭老闆講，啲嘢係買嚟畀啲公公婆婆，叫佢計平啲，冬菇平咗十蚊斤、臘腸一斤又平咗三蚊……」李婆婆的彪炳戰績，令她成為是次活動的幕後功臣。另外，李婆婆亦花了一整天時間，特別用利是封親自做了一個賀年掛飾贈予蘋果基金。
負責協辦的香港房屋政策評議會總幹事葉肖萍表示，為了掃除某些社會人士對於長者只懂「攤大手板」討禮物的錯誤觀念，所以今次行動特別安排受惠長者本身自行策劃，實踐「老有所為」的理念。「我希望今次活動係一個好開始，除咗令老人家感受社會人士關懷之餘，亦都等人知道老人家唔係等人施捨，佢哋都係社區一分子，有能力作出貢獻，佢哋都可以有尊嚴咁生活。」葉肖萍說。
賀歲禮物包專戶捐款編號：C0445
暖流熱線
電話:29908688
傳真:23702192
電郵:
網址：