每逢農曆新年，班局長例牌要出席大小不同團體春茗、團拜，以往凡係局長去親重要活動，新聞處一定安排攝影師跟出跟入，不過呢支歌怕且羊年開始冇得唱，因為新聞處已經向一眾新聞官下達「縮皮」指示，以後影相就要新聞官自己做番。
話說由於要縮減皮費，新聞處攝影組由以往幾個人，縮到今時今日得番一個人，又要影政府相、又要幫手做年報，忙到飛起；而且新聞處又發現，以往幫班高官影落啲相，有三分一係作資料用途，冇出到街，有見及此，新聞處決定日後再影資料相，就要麻煩新聞官自己搞掂，新聞處會買定一批數碼相機畀佢哋借用，但有新聞官同八方講，要佢副老骨頭攞住部「儍瓜機」，同班孔武有力嘅電視台機佬搶位，真係攞佢命好過！
傳真︰2623-9278
電郵︰