黎姿經常得到契爺、風水師陳伯指點迷津，但陳伯指點她的並非一般風水命理，而是實實在在的做人道理。如要增強姻緣運，個人的內涵和品質好的話，運勢便會好，行得正就會有正桃花，真命天子才會出現。
黎姿的契爺陳伯，外號「富豪風水師」，不少富豪都求教陳伯指點迷津，不知黎姿的羊年運程如何？黎姿日前表示，據其契爺推算，踏入羊年之後，黎姿的運勢相當不俗，不過縱然運程測得怎樣也好，也要看個人造化。
黎姿平時除了得到契爺指點命理外，還有學習到做人的道理，她說：「就算條命講到你一定發達，都要靠自己努力去爭取。平時同契爺相處，我都會睇佢做人嘅方法，喺傾偈嘅時候，學識好多做人道理，再慢慢理解，活學活用。」
感情運方面，黎姿說：「契爺同我講，其實一個人本身嘅內涵同品質好，運勢都會好，所謂相由心生，個人好唔好都要睇你做嘢正唔正確，因為係發自內心，個樣亦會變得有吸引力，自然就吸引桃花。做好自己行得正就會有正桃花，想娶你嘅男仔先會出現，如果你每晚蒲到三、四點，搞好多緋聞，想娶你嘅都未必係好男人啦！」
此外，過去黎姿多是選擇出埠度歲，但今年她留港度春節，她說：「人大咗，好想同屋企人一齊，尤其係過時過節嘅日子，更加珍惜天倫樂，同親友賭吓錢拜吓年都唔錯。」
採訪：魯萍 攝影：陳慧安
髮型：KelvinKoo（Hair）
