去年尾，香港車壇變動接踵而來，負面新聞可謂十居其九，惟踏入癸未羊年，就等亞Mark同大家分享一則好消息啦！話說去年積極部署，並會響今年換代理嘅英國勞斯萊斯，一直由有資深銷售豪華轎車經驗嘅PeterGoh負責，不僅響去年中秘密喺香港，搞咗個全新Phantom車系嘅預展，好等跟勞斯萊斯目標嘅商賈名人熟絡之餘，重密鑼緊鼓咁搵合適嘅陳列室，好讓全新Phantom轎車，可於今年4月正式同香港車迷見面嘛！然而，總舵手PeterGoh卻響去年尾向森那美集團請辭，但今勻卻教佢身邊嘅朋友替他高興；皆因據亞Mark收料所知，話早前代理德國平治汽車嘅仁孚行，升遷彭耀佳（彭Sir）為行政總裁，而我哋汽車行內人所熟識嘅MichaelLee，亦榮升為營運總裁，惟兩人之間嘅空缺據知屬意由PeterGoh出任，究竟實情會否一如亞Mark所料呢？相信到3月底正式揭盅時，就會知道一清二楚啦！