阿松一聲令下，各路局長署長都要想盡辦法，成個枱面都係各種不同方案，你想點斬都得，最多咪成個部門都閂埋，以做到「不辱所命」。
八方聽聞嘅大計，又真係幾誇張，由減百分之五、百分之十，到減百分之十五，以至減百分之二十嘅方案都已經準備好，否則到○六年四月點達到開支指標？唔怪得個個都做到冇晒心機，日日數手指等運到。
八方對於老董呢種上頭一聲令下，下面冇人敢Sayno嘅辦事作風從來不敢苟同，當年八萬五嘅後遺症至今仍在，將軍澳啲石屎森林可作歷史見證，當年身居財司要職嘅煲呔唔係雷厲風行，要各部門將所有可發展嘅用地應有盡有攞晒出嚟，大家未必至於咁慘。
所以話，一於死跟無能領導，執行無厘頭指示並冇好處，唔係好多人好似廖秀冬咁勇，敢將啲錯誤決定叫停。
傳真︰2623-9278
電郵︰