羊年伊始，香港政壇又有變動。八方聽聞，勞聯主席李啟明（圖）繼退出立法會後，已經決定連勞聯個位都不再競逐連任，三月改選唔會見到佢老哥個名。
八方問啟明叔係咪想退出江湖，佢話自己今年都六十五，攞到老人卡喇，係時候退，等啲後生一輩上位，況且李鳳英都表現得好好。
講吓講吓勞聯已成立近二十年，八方記得，八四年開張之日，重請到當時新華社香港分社社長許家屯親自去剪綵，十分大面，啟明叔嗰時已經係最高領導，時至今日，勞聯不但喺工會上有地位，連立法會都坐擁一席，啟明叔功不可沒。
傳真︰2623-9278
電郵︰