民政事務局局長何志平前日好黑仔，喺車公廟歷史性幫香港抽到支下籤；行政長官董建華夫人董趙洪娉噚晚出席黃大仙騰龍墟新春晚會時，記者問佢擔唔擔心香港嘅前景，一向言論出位嘅第一夫人話：「你如果係求到一支上籤，你估嗰啲錢會喺天跌落嚟咩？唔會㗎！賺錢唔容易，一定要自己自力更生。」
董太又封定大家把口，話政府已經努力幫緊啲失業人士，大家要有信心，相信可以將逆境變為順境。總之都係嗰句，抽到下籤都唔好Complain（投訴）啦。
（圖）特首夫人（左二）話如果求到上籤，啲錢都唔會喺天跌落嚟喎。
傳真︰2623-9278
電郵︰