李克勤同譚詠麟個演唱會大收旺場，八方睇首場，紅館坐咗接近萬三人，破晒入場人數紀錄，主辦單位肥過肥仔。
另一個得益者就係田北辰檔九鐵。多咗歌迷搭車唔在講，火車站停車場八層爆滿，如果日日係咁，就算承包畀人做都可以叫高啲價。不過，有一樣嘢田二少應該睇睇，就係由火車站大堂接駁上停車場只得兩部𨋢仔，其他通道非常不便。八方現場所見，有幾百人排隊搭𨋢，當中包括《信報》老總。以田二少嘅管理能力，呢啲事應該兩吓就搞掂；紅館每開一場騷，就多一班人對九鐵怨聲載道，冇理由咁都忍得啩？
傳真︰2623-9278
電郵︰