朱茵今個農曆新年難得留在香港，與家人及朋友共度新歲。她表示與男友黃貫中（阿Paul）現在還是搏殺階段，故暫未有打算結婚。朱茵又認為自己不用爭名逐利，所以會更認真選擇工作。
朱茵每年農曆新年均會出埠工作，今年難得留港與家人度歲，令她十分開心，朱茵日前說：「真係好難得，今年可以陪屋企人，又可以同啲朋友團聚，𢭃吓利是，好開心㗎。」
問朱茵與男友黃貫中何時結婚派利是時，她說：「未有耐，𠵱家重係搏殺期。我覺得我哋𠵱家嘅關係好好，我好滿意！」
新年的美食特別吸引，自小愛吃甜的朱茵，每到農曆年初一都會吃甜齋、豬骨粥等應節食品，她更會親手炮製賀年食品，她說：「每年我都一定會食親自炮製嘅煎年糕，要煎到軟硬適中，有啲難度㗎。」
馬年是朱茵事業的豐收年，除推出個人寫真外，更如願推出她的首張個人大碟，新的一年剛開始，朱茵談到本年的大計，她說：「上年我喺唱歌方面唔錯，嚟緊呢一年，我會花多啲時間喺音樂方面，繼續出碟。我都會繼續接拍電影同電視劇。我𠵱家又唔使爭名、爭利，所以會更加認真選擇去做。」
對於新一年的願望，朱茵說：「最緊要身體健康，事業順利，做到自己想做嘅嘢，更加希望香港人事事順境，個個有嘢做，希望大家可以過一個肥年啦！」
