小時候的我最愛便是摺吓紙、砌吓積木或者玩吓砌圖，到𠵱家我都有鋪砌模型癮，間中都會買啲模型返屋企砌吓，最近喺東門發現咗呢間專賣立體玩具嘅舖頭，入面有好多唔同款式嘅立體模型賣，砌法簡單，最啱買嚟訓練小朋友嘅耐性。
記者：歐嘉荃
攝影：陳星
立體嘅木砌圖多數以家具、動物為主，而且只有單調嘅木色，今次呢套木砌圖以福祿壽做主角，重要附送貼紙，只要將福祿壽砌好後再黐貼紙，可可愛愛嘅三星拱照就立時出現。
尺寸：約5吋高
售價：?15
喺香港都有呢啲3D砌圖屋賣，不過價錢就……呢度所賣嘅3D砌圖雖然唔係名建築物，不過就勝在有歐洲Feel，隨屋附送前後花園，景觀一流，簡直係人人最愛嘅「五星級的家」。
智趣坊玩具總滙
地址：深圳東門卡路比購物歡樂城地庫A21店
營業時間：11:00am-8:00pm