愈嚟愈多人佩戴水晶飾物，一來已成為時尚飾物，二來梗係用嚟轉運。唔係導人迷信，經濟差就愈多人求神問卜戴水晶，唔信就睇吓身邊有幾多人戴就知啦！今年羊年12生肖各有起伏，由於每種水晶有唔同嘅能量及磁場，只需佩戴合適嘅水晶，則可加強能量去克服困難；即使你不信水晶可改變運程，但心理上已令人做事積極起來，何況水晶飾物件件都咁搶眼㖭！
記者：梁煒健
攝影：林栢鈞、梁煒健
ImageGirl：MayMay
據講今年肖豬嘅朋友樣樣事都十分麻麻，財運平平，事業要防被人篤背脊，愛情方面亦要小心會有波折；時勢唔好自然要財運，所以肖豬宜佩戴黃晶飾物，可助正路財運。由於巴西黃晶品質最正，粒粒都係AAA級品種，售價自然偏高。而肖豬朋友，除黃晶之外，粉晶、綠色晶石如綠幽靈、綠隕石都啱使。
戒指 原價$980、特價$686
吊墜 原價$1,080、特價$756
頸鏈 原價$4,880、特價$2,980
8mm手鏈 原價$2,780、特價$1,946
晶蓮坊有售
碧璽有分紅、綠、藍、黑，分別可增強血液循環、穩定心率及開發心靈等，如串埋一齊變為彩碧璽能量更勁。邊個生肖要用碧璽？非肖馬者莫屬。今年馬人財運及事業都幾好，但因桃花旺盛搞到煩惱不堪，應戴碧璽嚟穩定情緒。
（上）16吋長頸鏈 原價$5,980、特價$4,186
（左）耳環（每對） 原價$880、特價$616
（右）8吋長手鏈 原價$2,280、特價$1,596
晶蓮坊有售
捷克隕石又名綠隕石，能量較大可提升各種運氣，任何生肖都啱戴。今年屬羊犯太歲，肖牛亦沖太歲，兩者凡事都要低調及忍讓，牛者更易手傷，所以綠隕石飾物係至好護身符。原來屬虎嘅我今年幾好，聽啲玄學居士講財運及事業均不俗（最衰腸胃欠佳），有機會轉工，但小心背後有「金手指」，所以我一早都買定綠隕石大衞星吊墜嘞！
（上）6mm手鏈 原價$3,980、特價$2,786
（中左）18mm大衞星吊墜 原價$1,380、特價$966
（中右）原石襯黃晶手鏈 原價$1,480、特價$1,036
（下）戒指 原價$568 、特價$398
晶蓮坊有售
有戴水晶朋友皆知，金髮晶有助橫財，愈多金絲代表愈靚，自然以巴西頂級AAA貨最有power，有埋反光貓眼Feel更正斗。今年邊個生肖要戴金髮晶飾物？基本上想要橫財嘅人都啱，但以肖鼠肖猴嘅男女最啱使，因為肖猴今年財運不俗，屬鼠則較差，兩者都要金髮晶加一把勁！
（左）8mm金髮貓眼石手鏈 原價$2,880、特價$2,016
（中）戒指 原價$1,280、特價$896
（下）18mm大衞星吊墜 原價$1,180、特價$826
晶蓮坊有售
家陣時勢唔好，男人寧要事業放棄愛情，至多日後北上搵老婆，但女人則看重感情。原來今年屬兔嘅朋友感情有所轉變（40及28歲嘅未婚兔女郎要注意喇！），凡事都要顧及別人嘅感受，所以來自南非月亮石可以輔助其感情運。健康都算OK，但提防受傷，最好年初去捐血，唔係就擺白水晶簇或晶球喺屋企。
（上左）8mm灰月亮手鏈 原價$1,680、特價$1,176
（上右）10mm白月亮手鏈 原價$2,380、特價$1,666
（下左）欖形戒指 原價$1,380、特價$966
（下右）彩虹月亮吊墜 原價$1,980、特價$1,386
晶蓮坊有售
喺羊年，肖龍嘅朋友已經相當唔錯，大運暢通，經濟及健康亦OK；但就畀只顧耕耘不問收穫、只求機會嘅性格所累事，所以龍仔龍女就啱戴紫鋰輝石飾物，以增強其積極之心，重拾理性，紫鋰輝石對偏頭痛有用㗎！另外，小龍女亦適合佩戴紅紋石飾物嚟幫助愛情運。
戒指 原價$880、特價$616
吊墜 原價$3,280、特價$2,296
戒指 原價$2,180、特價$1,526
桶形手鏈 原價$4,280、特價$2,996
晶蓮坊有售
點睇靚唔靚？石晶內愈多綠色及金字塔就最正。今年蛇仔蛇女好壞佔半，事業相當唔錯，有所突破就要加一把勁，呢個時候又點少得綠幽靈；肖蛇仔女更要小心口腔及氣管有毛病。另外，工作要小心處理嘅重有肖豬、虎及鼠，個個都啱用綠幽靈。
（左上）16mm密綠手鏈 原價$1,680、特價$1,176
（左中）桶形手鏈 原價$1,180、特價$826
（左下）9mm手鏈 原價$680、特價$476
（右）晶柱 售價由$300至$2,800不等
晶蓮坊有售
羊人犯太歲，其實事事唔夠好，其中財運及事業較差，所以較天然嘅紫黃晶可以助其財運；另外，肖羊亦宜佩戴紫瑪瑙、海藍寶、藍玉髓及灰影子等水晶。至於其他生肖，今年屬虎朋友腸胃唔多好，巴西紫黃晶都啱使。
晶柱 $660（品石居）
1.5吋吊墜 $1,180（品石居）
由於今年財神揸住一支啡色嘅如意，所以最接近顏色嘅品石，可算係琥珀最接近。若今年要大富大貴，較早前自然要接財神；另外，琥珀又係佛教七寶之一，可消除心惶，穩定情緒，任何生肖嘅人都啱放，招財最抵。
（大）12吋大如意 $6,000
（小）4吋迷你如意 $2,200
品石居有售
晶蓮坊
電話：28950698
地址：銅鑼灣白沙道9號A地下
品石居（初五啟市）
電話：25305083
地址：中環皇后大道中31號陸海通大廈地庫22室