年廿九到年初二，差不多每餐都是雞、燒肉、鯉魚等指定菜式，真的有點膩。難得今日是大年初三又唔使拜年，所以今年我決定同朋友上深圳開餐，一來價錢即使稍有調整都還比香港平，二來不少酒家飯店都會在新春期間推出特色的新年意頭菜，既可給味蕾帶來新鮮感又可以應節，一舉兩得！
記者：黃希知
攝影：偉信
ImageGirl：EvaWong
鳴謝：滿清皇朝
走進逸和軒，簡約裝修加深啡色調，我覺得似置身高級西餐廳多於中式酒家，對着門口的偌大玻璃窗更可盡覽整個露天廣場，隨手拿起枱面的餐牌一看，菜式傳統與創新兼備，其中有十多款的菜式及點心更是大廚專為新春特別度身訂做，口味配搭創新又好意頭。
用上港式避風塘做法來炮製乳鴿，用八個鐘先將乳鴿用秘製汁料醃至入味及上色，再吊起來風乾，炸出來的乳鴿才可達至皮脆的效果，最後撒上避風塘式炒香的炸蒜茸、陽江豆豉、辣椒乾及調味料，鴿身充滿蒜香，每隻
?18。
問過大廚先知原來象即象拔蚌仔，而「更新」即豬板筋（豬肉眼筋），整道菜純粹取其諧音，再配以芥蘭最嫩的莖部，加入自家秘製的鮮香醬汁同炒，象拔蚌同豬板筋的快熟程度不同，最講求的就是大廚對火候的控制，每碟?68。
還以為又是薑葱煀鯉，有何特別？點知大廚將菜一捧而上時，即時嚇了一跳！賣相精緻，顏色鮮豔，最特別還是那個紅噹噹的魚子醬汁，大廚選用貴價法國紅魚子醬混入茄汁、芫荽調校而成，淋在煎香的新鮮深海石斑塊上，用汁的酸香帶出魚的鮮甜，配搭有創意，每位?28。
將矜貴龍蝦肉加入原隻鮮蝦肉做內餡，為保持鮮味，兩種蝦肉都只加入少許調味，外層用上蝦餃皮，造型雖然沒有龍皇般霸氣十足，但望落都幾精緻得意，每籠?38。
崔小姐：「我過年通常都會出街食，價錢酌量加少少都無所謂，通常過年我都會叫番一兩個意頭菜式，其實都係旨在攞個好意頭！」
逸和軒
電話：（86）75525944888
地址：深圳市福田區深南中路1095號中信城市廣場5樓
初三營業時間：9:00am至3:00pm、5:00pm至10:00pm
＊不另加服務費
在眾多羊菜式中，我最欣賞的就是這款稻草紮羊。選用腿肉、羊腩這兩個最嫩滑的部份，先用熱水煮腍再以凍水過冷河，目的旨在令皮肉爽脆，再配以洋葱、芹菜粒、甘笋及紹酒等調味料，用上海最出名的紅燒方法來炮製，用稻草將腿、腩肉紮實來扣，扣出來的羊肉既入味又不會散，每碟?30。
雖說深圳到處都有羊宴，而菜式亦都差不多，但這款羊肝則較為少見。羊肝的食法同法國的鵝肝醬差不多，蒸熟打碎後放入酒、老抽、雞精等調味，倒入模內雪凍便可切片食。羊肝入口即化，但脂肪較少，所以食落無鵝肝般膩，用紅酒伴嘗最完美，每碟?38。
成日聽人講「魚」扣「羊」這道菜名，但見真身還是第一次。賣相有點似泰式明爐魚的魚扣羊，新鮮桂花魚片加羊腿肉一片片浸在湯內，奶白色湯底是長時間熬製的魚湯混合羊腿湯而成，用明火邊滾邊食，將魚的鮮味同羊的羶味融合，味道愈滾愈鮮，每碟?128。
崔生：「每逢過時過節我都會同屋企人出街食，我哋唔多唔少都會叫番幾款意頭菜應吓節，雖然好多都會加二，但價錢都算合理的話我就覺得無咩所謂，都係旨在高興吓！」
豫園上海飯庄
電話：（86）75525943228
地址：深圳市福田區深南中路中信城市廣場4樓411舖
初三營業時間：10:00am至10:00pm
＊另收加二服務費