香港高爾夫傳媒協會又有活動，今次係同廣東省媒介行家比賽，安排咗下月十三號在長安高爾夫球場較量，除對賽隊員外，亦歡迎其他會員去玩，只收交通食物費。
講起打波，八方日前同一個經營高爾夫球場嘅朋友傾起，佢話過去幾個星期，本港多個高爾夫球練習場嘅生意都大不如前，跌幅達三、四成，搞到佢唉聲歎氣。佢重話啲有十八個洞嘅大球會，使用率亦都偏低。
一向以嚟，高球係有錢佬嘅玩意，唔受市道影響，但近年普及咗，唔少高級打工仔玩，尤其係證券界，好多時利用打波去搵生意，公司願意畀埋錢，當作投資；但近年證券生意不景，業內好多高層連份工都冇埋，點會重去打波吖。
傳真︰2623-9278
電郵︰