王書麒與許秋怡將於羊年共諧連理，秋怡現懷了三個月身孕，她表示曾想打掉胎兒，但他們求籤獲指引後，指胎兒很旺父母，而秋怡自懷孕後亦財源滾滾。書麒和秋怡日前特別到黃大仙廟還神，順道到騰龍墟為BB買新衫。
現已懷孕近三個月的許秋怡與未婚夫王書麒，日前到黃大仙廟還神，感謝黃大仙賜他們愛情結晶品。
秋怡表示，當初知道有身孕時，曾打算放棄小生命，因為她與書麒要頻頻返內地登台𢱑銀，怕沒時間照顧BB，之後二人到黃大仙求籤求指引，秋怡說：「支籤叫我哋一定要生個BB，重話BB會旺住我哋。𠵱家我有咗兩個幾月，真係多咗人搵我哋登台，打麻雀都贏呀，好彩冇做『殺人兇手』，所以今日返嚟還神。」
問秋怡懷着BB登台可有不便？她說：「唔會，我會一直做到見肚為止，新年又係登台旺季，要賺多啲奶粉錢，日後畀最好嘅嘢BB。人哋有BB，屋企會貼好多BB相，我屋企就貼晒我同書麒嘅登台相，畀BB望多啲我哋個樣，似我哋多啲，將來出世頭仔大大，精精靈靈。」
秋怡懷孕後有否食量大增？她說：「𠵱家我乜都要食，連平時我唔鍾意食嘅生果都要食，我之前飲完鮮奶會嘔，𠵱家我每日早晚都堅持飲兩杯，我終於明白做媽咪嘅偉大。」秋怡和書麒還神後，還拍拖到黃大仙騰龍墟選購BB衫，順道跟街坊大談湊仔心得。
採訪、攝影：汪正文
