日本三菱車廠於較早前，公布咗去年（2002年）嘅汽車銷售、製造及出口數據，當中日本本土生產線嘅汽車產量達871,304部，較2001年上升4.4%，能創出如此佳績，全因新款三菱Colt（左圖）於去年11月推出以來，而備受車迷追捧有關，加上北美地區市場龐大嘅需求，亦見功不可沒；至於海外生產線嘅總產量，亦合共有951,340部，升幅達14.1%，若以地區計算，亞洲生產線佔總產量嘅585,810部、北美地區佔204,233部，而歐洲地區則佔95,585部，成績實在令人鼓舞。
而響日本本土嘅銷售數字，卻較2001年再下跌多14.7%，連商用車計算在內，全年本土市場只售出共416,375部新車；但廠方相信Colt嘅強勁走勢定能持續落去，從而令今年本土市場嘅銷量，能夠調頭回升。
至於去年全年出口汽車數量，亦錄得高達22%嘅升幅，達到451,479部，而各主要地區市場如亞洲、歐洲及北美等等都有所上升；睇嚟三菱車廠響2003年嘅業績，定能有更出色嘅表現呢！