譚詠麟與李克勤前晚大年初一，在紅館為二人一連十二場的演唱會揭開序幕。最搞笑的環節要數他們以棟篤笑形式，將余文樂與陳冠希早前的撞膊事件改成搞笑版，還大講FYou，令在場的余文樂笑不攏嘴。而克勤與阿倫在台上互相勉勵時，更感觸至落下淚來，十分感人。
譚詠麟（阿倫）與李克勤前晚在紅館舉行首場「譚詠麟李克勤左麟右李演唱會」，在一片喜氣洋洋的歡呼聲中，演出了一場有歡笑亦有淚水的精采演唱會。
前晚最搞笑的環節，當數阿倫及克勤與嘉賓梁榮忠齊齊演出的棟篤笑，三人首先揶揄麥浚龍靠父蔭，聘請職業fans的傳聞，戲肉則是將余文樂與陳冠希早前的撞膊事件改成搞笑版。
阿倫自言撞膊衝突發生時他亦在場，他說：「我喺度，聽到陳冠希同余文樂講，話佢攞埋啲垃圾獎使乜咁開心，之後大家就互相FyouFyou。」前晚余文樂、陳小春及雷宇揚均有前往捧場，阿倫更向觀眾席上的樂仔說：「我講得有乜唔啱你就舉手啦！」但樂仔只笑不語，身旁的小春便以大膠棒打他。
而台上的克勤則接口說：「其實佢哋一直係好朋友，生死之交，青梅竹馬。」
阿倫說：「嗰晚完騷落台，Edison搭住樂仔膊頭，樂仔就畀張相佢睇，Edison話：『你喺垃圾外面影啲垃圾相，你都咁開心？』之後樂仔就問Edison：『你讀乜大學㗎？』Edison答FU，即係佛羅里達州大學，Edison問番樂仔讀邊間大學，樂仔答話：『福建大學』。」阿倫說到此處即舉起手指說：「YearOne!」揶揄樂仔與Edison以英文粗口加粗口手勢互罵時的情況，引得在場觀眾不停大笑，連主角樂仔亦笑至高舉雙手不停拍掌。克勤隨即獻唱《夏日之神話》，但卻將其中一句歌詞「Iloveyou,Iloveyoumore」改作「IFU,IFUmore」，相當搞笑。
此外，阿倫與克勤演唱至尾聲時，二人互相勉勵，場面感人，現年三十五歲的克勤表示從小已視阿倫為偶像，其母更為此擔心他的性取向。阿倫便說：「一次喺寶麗金嘅慶功宴時，克勤飲大兩杯，佢同我話唔使擔心佢，佢三十歲前會攞到最受歡迎男歌星獎，我諗邊有咁易吖，我都二十五歲零八個月先攞到……今日佢憑實力將歌迷拉入嚟捧場，算成功咗。」說罷阿倫已經眼濕濕。
而克勤則以九十度鞠躬向阿倫致意，並說：「親人先對我講咁多呢啲嘢。」二人隨即合唱一曲《一首歌一個故事》，但克勤卻感觸流淚，更哽咽至無法唱下去。
事後問克勤與阿倫會否上契？阿倫說：「嘩，唔使啦！在心中。」而對於揶揄余文樂與陳冠希一事，阿倫說：「樂仔一齊度橋㗎，講笑啫，度橋時佢聽到只係笑囉。」克勤則說：「新年玩吓啫，娛樂圈都唔玩得咪盞搞，我哋冇挖苦，亦唔係擺上枱，只係玩吓近期新聞啫。」
