光華文化中心新主任路平做訪問時原來係完美主義者，令香港記者行家歎為觀止。
話說訪問開始前嘅拍照時間，記者原本想請路主任攞住隻杯扮飲茶，路主任馬上擰晒頭話：「這隻杯子好醜！」係都要周圍搵過隻靚仔啲嘅茶杯。跟住記者重未知死，竟然請路主任做飲茶嘅動作，路平二話不說消失咗好耐，原來去咗泡茶！結果一張簡單嘅飲茶相，搞咗成十分鐘都未影到。
咁都未算，訪問進行中，路平嘅坐姿絕對非一般；最高難度嘅，莫過於沙發上「俯身橫卧輕托香腮」呢下。如果叫八方嚟做，一定會扭親條腰。最後作家出身嘅路平重話，做光華主任唔代表會放棄小說創作，期待喺香港捕捉寫作靈感。
﹙圖﹚路平整個訪問中，都維持住呢個有型有格嘅甫士。
傳真︰2623-9278
電郵︰