講到吃喝玩樂，相信無人會嫌多。好似香港男籃隊中鋒譚偉洋今次已經是第二次到奧蘭多，他早在○○年就和現已效力CBA明基新浪獅的潘志豪，以及翁萬特和黎耀恩聯手取得亞洲三人賽冠軍，翌年結伴首次暢遊奧蘭多，今次依然嫌玩得不夠痛快。
阿洋回憶說：「當年因為是第一次到奧蘭多，而且不需提早返港，有較多時間玩；記得當年重玩齊奧蘭多四個主題公園，好似迪士尼、環球片場，真係玩過山車都玩到腳軟；今年要提早返嚟打工商盃，淨係睇波同購物，就冇咁盡興。」不過好彩喺工商盃替南華取得冠軍，都算有點安慰。
阿洋記得當年他們四小街霸較今年的新四小街霸，玩得重癲！見到機動遊戲就要玩；搵到靚衫、靚波鞋就想買；見到靚女就眼望望，總之玩到樂而忘返、樂此不疲、樂不可支！但係阿洋勢估唔到竟然會樂極生「悲」！皆因佢喺奧蘭數日間就花了六、七千元，返港後要節衣縮食，真係樂極生悲嘞！
