新正頭，拜年嘅好話當然唔怕聽多啲，自由黨立法會議員周梁淑怡，講咗一車好話鼓勵香港人：「希望香港早啲走出谷底。自己有信心實得，所以唔使吓吓望住隔籬，望吓自己。旅遊業方面，因美國同伊拉克會有機會打仗，對今年長途客會有啲影響，不過，國家好，香港會好，最好梗係世界和平。」
而身兼香港影業協會副理事長嘅立法會議員馬逢國，就祝《蘋果》讀者事事順利，「香港人開心啲，呢個假期會留港消費，演藝界當然希望票房好景啦。」
律政司司長梁愛詩祝香港羊年「法治昌明，國泰民安」。八方當然希望佢收番二十三條惡法嘅「刀」，免得港人變咗待宰嘅「羊咩」。罪惡剋星警務處處長曾蔭培則提倡「祥和」氣象，希望大家心境平和，家人、朋友多溝通、互相支持。
傳真︰2623-9278
電郵︰