過年應節食品多數高脂高卡路里，好多人嘅新年願望，睇怕都可能係飲食健康、Keepfit減肥。八方冇幾耐之前講過，自由黨黨魁兼行政會議成員田北俊Keepfit秘訣，就係食嘢唔好食得咁快，不過其實田少重有一個好特別嘅飲食習慣，就係食蛋治指定只要蛋白。
雞蛋雖然營養豐富，但蛋黃勁多膽固醇，食得多無益。不過咁做肯定難為了田少嘅助手，因為八方問過幾間茶餐廳，都話冇蛋白治賣。上環新釗記茶餐廳嘅夥計重話好難搞，因為一份十二蚊嘅普通蛋治，需要用一隻半雞蛋，但蛋白治至少要用五隻先夠，收十八蚊都未必回本。
傳真︰2623-9278
電郵︰