喺嚟緊2月6日至16日舉行嘅第53屆柏林國際電影節（53rdBerlinInternationalFilmFestival），屆時除會有來自世界各地嘅電影明星或名導演出席外，東道主德國嘅福士車廠，亦將會為大會提供為數40部嘅Phaeton豪華轎車，作為貴賓專車㖭。
響福士於日前發放嘅新聞稿中指出，喺第53屆柏林國際電影節期間，將會有超過60部車輛作為貴賓專車，其中全新兼且又見豪華舒適嘅福士Phaeton將會佔上其中40部，從而為出席電影節嘅貴賓提供接送服務；而廠方對呢次能夠成為柏林國際電影節貴賓專車嘅供應商，感到十分高興，並相信響未來嘅日子，定能有機會再為其他國際盛事，贊助旗下車系作為貴賓專車㗎！