九人女子組合Cookies趁新春舞龍賀年，雖然當日九缺三，但六餅舞起四十磅的龍，仍能英姿颯颯地擺出龍陣，十分厲害！
九人女子組合Cookies巾幗不讓鬚眉，日前她們應本報邀請舞龍賀年時，其中六餅便大擺架勢龍陣。Cookies成員Kary和Elaine當日因忙於應付考試而缺席，Serena則生病未能出現，但仍無損六餅興奮的心情。
六餅經熱身和武師即場指導後，在小西灣舞起重達四十磅的花式龍時，有姿勢有實際，她們還擺出「猛龍過江」、「捲龍塔」和「龍遊天門」三大陣式。
六餅舞龍完後，馬上全身散晒，紛紛大呼「好攰」、「好重」、「但好好玩」，負責舞龍頭的隊長Stephy說：「條龍已經比我想像中輕，其實舞龍都幾好玩，但好講合作性。」
問Cookies有何新年願望？Gloria表示希望工作順利，Miki希望多𢭃利是，Angela則說：「我希望能夠身體健康，自己同屋企人開開心心，食極唔肥，要瘦啲，賺多啲錢，環遊世界。」
問Cookies會否恨買車買樓？她們即笑說：「我哋夾埋都夠買一百呎嘅屋嘅。」Stephy就補充說：「我哋係新人吖嘛，Cookies有九個人，一早預咗收入有幾多，其實賺錢都算OK嘅，我哋早排都贏咗一啲獎項，我哋會畀心機，希望今年再賺多啲。」
採訪：朱芷瑩攝影：仇志德
舞龍提供：陸智夫國術總會
