鄭中基與楊千嬅分手逾三年，其間多次傳出復合消息，但兩人都齊聲否認，尤其當二人合拍網上連線劇《百分百感覺》及《行運超人》時，舊情復熾的消息更傳得熾烈，不少人覺得他們否認是因為要發展地下情，Ronald卻說：「人哋信唔信都好，事實我哋冇復合過，我冇講大話，點解大家問極都唔悶？我就答得有啲厭。」
早前千嬅接受訪問表示Ronald並非其結婚對象，二人性格不合，即使復合都會是分手收場，問Ronald是否同意？他說：「呢個係邏輯性問題，我冇諗過復合，又點會諗會唔會再分手？我冇諗過要結婚，又點會諗邊個係我結婚對象呢？不過，𠵱家如果我哋一齊番，可能都係會散，所以一動不如一靜，大家做到朋友，見到面可以有講有笑，咪重好。」既然可以做好朋友，怎麼不可以再相愛？Ronald說：「呢啲嘢冇得迫㗎，做得番朋友唔代表要一齊，我𠵱家唔會好重視拍拖，我會揀工作先。希望大家留意吓我事業嘅消息，唔好再問我感情啦，嗰啲嘢關人鬼事咩！」