趙世曾千金趙式芝今年剛好二十四歲，是肖羊一族，她表示雖然今年犯太歲，但她一點也不懼怕，並表示有危才有機。式芝日前為取好意頭，把旗下推廣、價值六萬六千八百元的Schoeffel珍珠，戴在綿羊公仔上，羊仔登時貴氣十足。
今年二十四歲的羊女趙式芝羊年大計多多，與拍檔Janie成立的Crimsons（君臣）公關公司平安度過第一年。新一年她希望業務蒸蒸日上，客似雲來。
趙式芝日前接受訪問時說：「細個覺得羊年係我自己嘅年，對我實好，非常期待佢嘅出現。第一次十二歲喺美國儍更更一個人過羊年，𠵱家終於等到二十四歲，我一定加倍努力，大展拳腳。人哋話本命年唔好，不過我唔信犯太歲、唔怕多阻礙，有危先有機嘛！」
趙式芝自從去年接手為珍珠名牌Schoeffel做宣傳推廣後，對珍珠瞭如指掌，她如數家珍般說：「Schoeffel有八十幾年歷史，喺香港連卡佛都有得賣，以往比較低調，我哋今後會將佢哋逐步推廣去中、港、台同星馬。」
拍照當日，趙式芝與拍檔Janie出動了總值四十多萬元的珍珠鏈，式芝更戴了其中最貴的一條Keshi（日本無核珍珠）金珍珠頸鏈，價值二十三萬八千元。她更用了十分鐘時間，用三條金珠鏈及四條彩珠鏈將新春羊仔改裝，將綿羊裝扮成一隻值六萬六千八百元的貴氣「珍珠羊」，她一臉自信地說：「大溪地黑珍珠色調就神秘啲，金珠夠貴氣，而彩珠就多顏色，熱熱鬧鬧啱晒新年。」
趙式芝訪問時又表示自己身邊有很多貴人，她說：「好多貴人扶助我，我Daddy趙世曾、媽咪姚煒、同好多唔熟我又畀機會我嘅客戶，真係好好運。」
