任賢齊、黃品源與辛曉琪三位同唱片公司的歌手，新年期間各有各忙，三人日前特意抽空一聚，舞獅打鼓為新年搞搞氣氛，小齊和品源更如大細路般搶着亂舞獅頭。
小齊對獅頭情有獨鍾，更即時吩咐助手幫他買一個獅頭，他說：「我覺得呢個獅頭好威武，我可以買嚟掛喺上海屋企嘅門口，啲人入嚟我屋企即刻可以睇到。」不過小齊表示在上海的新屋還在裝修中，未可正式入伙。
而品源透露新年期間會到美國登台搵錢，品源與小齊份屬老友，所以每年農曆年間都會抽空一聚，但卻一定不會開賭，因他們同樣賭運差，小齊說：「我賭親都派錢，我會返鄉下同屋企人過節同埋去滑水。」而品源則說：「我一年只係新年賭一次，所以派一次錢都冇乜所謂。」
至於辛曉琪今年則會回老家瀋陽陪伴父母過新年，她說：「每次回家都很開心，但回到台灣就會很煩惱，因為吃太多東西要減肥。」
採訪：胡比
攝影：陳偉權
醒獅提供：陸智夫國術總會