陳穎妍去年中以二十多萬購入寶馬316TI房車，平時甚少親自洗車的她，日前終於決心落手為愛車洗白白。
不過閒時連家務都甚少做的陳穎妍，洗車時顯得雞手鴨腳，她說：「平時我都好少自己去洗車，始終男仔對車會比較愛錫，我通常只會攞去俾人洗，但新年我就一定會落手落腳自己洗。」
每年新年陳穎妍除了為愛車洗白白之外，更會前往黃大仙拜神求籤。
陳穎妍說：「除咗洗車之外，我每年年初二一定會去黃大仙求籤，呢個習慣都有成十幾年，不過每次去之前一晚一定會瞓唔着，因為求到支好籤就當然開心啦，唔好嘅話就會耿耿於懷。」
採訪：王崇穎
攝影：何國豪