香港經濟唔好眾所周知，但個別百貨公司，生意原來相當掂。邊間？咪就係連卡佛！
八方日前同九倉高層食晏，佢哋集團旗下有連卡佛，又係商場大業主，對零售市道所掌握的數據，可能重勁過政府。佢話，近來連卡佛生意有增長，尤其係時代廣場嗰邊特別好。
點解？當然係同旅遊業興旺有關。原來時代廣場七樓八樓之電器層，一早已經成為內地遊客嘅「旅遊勝地」，而唔想買電器者，就會離隊去買吓金買吓珠寶，或者落去連卡佛買名牌；嗰啲A字頭C字頭靚衫靚袋，聽講有成半生意額來自同胞。
傳真︰2623-9278
電郵︰