香港面對持續通縮，不少銀行雖然重有周年聚會、年夜飯，但有啲銀行為節流，一於縮皮甚至索性取消活動，好似東亞銀行今年就因節流而取消以往喺一月舉行嘅周年晚宴，八方聽聞去年東亞喺會展大擺筵席，全體董事均到場歡慶。
至於其他大行如滙豐、恒生及中銀香港等都話今年一如既往，各部門按行方所撥的預算金額，自行決定慶祝方式及飲宴地點，可以話豐儉由人。
不過，有啲業績起飛的銀行，就以「加碼」年夜飯激勵士氣，好似中國工商銀行亞洲，佢哋舊年業績大增長，為香港上市銀行之冠。工銀為咗激勵員工士氣，除咗有人工加之外，佢哋嘅周年晚宴喺1月11日金鐘一間五星級酒店舉行，抽獎方面亦加碼送大禮，頭獎係價值三萬幾元的大螢屏幕電視！
傳真︰2623-9278
電郵︰